ناشد احد طلاب المحافظات في البصرة نائب الاداري للمحافظ ماهر العامري باعادة افتتاح الدوام المسائي بالمكتبة المركزية الواقعة بمنطقة السعدي كونها مكان ممتاز للدراسة والبحوث.
وذكر في مناشدة عبر المربد ونصها: “مناشدة لنائب محافظ البصرة تعرفون المكتبة المركزية العامة بالبصرة بشارع السعدي مكان ممتاز للدراسة والبحوث وهواي طلاب كل اعتمادهم عليه وطلاب محافظات ما عندهم مكان يدرسون بيه غيرها وجان دوامهم من 8 الصبح لحد 9 الليل فا الطالب يكدر يدرس براحته كلش لان القاعات موفرة كلشي، هذا قبل اما الان لغو الدوام المسائي بالمكتبة وصار بس صباحي مع العلم نفسهم موظفين المسائي نقلوهم للصباحي يعني ما صار اكو نقص بالرواتب المتضررين الوحيدين هم الطلاب الي معتبرينها مكان للدراسة فا يا ريت من خلالكم يوصل الصوت الى السيد نائب المحافظ ويعيد النضر بالموضوع ويفتح المكتبة عالاقل بس للطلاب لان الحراس موجودين على مدار الساعة”.